பிறந்த நாள் பரிசு சங்கு ஊஊஊ ....

ரஷ்யாவில் நடந்த உண்மை சம்பவம்.லயல டுபிகொவ (LYAYA TUPIKOVA) என்னும் பெண்ணுக்கு அன்று பிறந்த நாள்.எல்லா பெண்களை போலவே தன் கணவன் தன்னை முதலில் வாழ்த்த வேண்டும் அவன் கையில் இருந்து ஒரு ரோஜா பூவாவது பரிசாக கிடைக்க வேண்டும் என்று ஏங்கி காத்திருக்கிறாள் .

கணவன் வந்தவுடன் அவனுக்கு ஆச்சர்யம் கொடுக்க காண்டல் லைட் டின்னெர் (CANDLE LIGHT DINNER) {சத்தியமா இதை தமிழில் எப்படி சொல்லுறதுன்னு தெரியலை }கூட தயாராகிவிட்டது.

கணவன் கஹ்ல்பிக் (KHALPIK) என்ன காரணமோ தன் மனைவியின் பிறந்த நாளை மறந்து எதுவும் வாங்கி வராமல் வந்து சேருகிறார் வீட்டுக்கு.குளித்து விட்டு பசியுடன் உணவுக்கு காத்திருக்கையில்,தன் பிறந்த நாளை மறந்த கணவன் மீது ஆத்திரம் கொண்ட மனைவி அடுப்படியில் இருந்த பெரிய கத்தியுடன் வந்து நெஞ்சின் மேல் சதக் சதக் என குத்த அந்த இடத்திலேயே உயிர் பிரிகிறது.

கணவனுக்கு பிறந்த நாளில் சங்கு ஊதிவிட்டு கம்பி எண்ணி கொண்டு இருக்கிறார் மனைவி.

என்ன கொடுமை சார் இது ...

                 இது தேவையா ..பிறந்த நாள் என்பது நாம் மரணத்தை நெருங்கி விட்டோம் என்பதை நமக்கு ஞாபக படுத்தும் நாள்.அதில் எதுக்கு கொண்டாட்டம் ..இன்னைக்கு எத்துனை பேர் வீட்டுல பிறந்த நாளை கணவன் அல்லது மனைவி மறந்து விட்டதை எண்ணி வருந்துறோம் சலித்துகொல்கிறோம். அந்த நாளில் கொண்டாட்டங்களை தவிர்த்து நான் மரணத்தை மிகவும் நெருங்கிவிட்டேன் என எண்ணி நம்மை நாமே சுய பரிசோதனை செய்து பார்க்கும் ஒரு நாளாக மாற்றி கொண்டால் நன்றாக இருக்கும் அல்லவா. கொஞ்சம் சிந்தியுங்கள் நண்பர்களே 

இந்த செய்தி படித்ததும் தோணியது இது...

நான் மரணத்தை நெருங்கிவிட்டதை

கை தட்டி பாட்டு பாடி கேக் வெட்டி 

கொண்டாடுகிறார்கள்,கேட்டால் 

பிறந்தநாளாம் என்னை பெற்றவள் 

மறுபிறவி எடுத்த நாள் அவளுக்கு 

செய்ய வேண்டிய மரியாதைகள் 

அத்துணையும் இன்று எனக்கு எதற்கு ?

அவள் முதியோர் இல்லத்தில் வாடையிலே!!

-ரியாஸ் 

Tweet