உண்ணாவிரதம் இருந்த பாபா தீடிர் மரணம்

கடந்த நான்கு மாதமாக உண்ணாவிரதம் இருந்து வந்த சுவாமி நிக்மானந்தா இன்று தேஹராடுனில் உள்ள ஹிமாலயன் ஹாஸ்பிட்டலில்  மரணம் அடைந்தார் .இவர் கங்கை நதியில் நடக்கும் சட்டவிரோத சுரங்கத் தொழிலை தடுக்க வலியுறுத்தி கடந்த பிப்ரவரி19 முதல்  உண்ணாவிரதம் இருந்து வந்தார் .ஏப்ரல் 27அன்று நிலைமை கவலை அளிக்கவே ஹரித்வாரில் உள்ள மருத்துவமனைக்கு வலுக்கட்டையமாக கொண்டு செல்லப்பட்டார் .பின்னர் நிலைமை மிகவும் மோசமடைந்து கோமா நிலையில் ஹிமாலயன் மருத்துவமனைக்கு மாற்றப்பட்டார் . அங்கு இன்று சிகிச்சை பலனின்றி மரணம் அடைந்தார் .

சுவாமியின் பக்த்தர்கள் இந்த மரணத்தில் மர்மம் உள்ளதாக புகார் கூறியுள்ளனர் .

கறுப்புப் பணத்தை மீட்கக் கோரி உண்ணாவிரதம் இருந்து டேராடூன் மருத்துவமனையில் அனுமதிக்கப்பட்டு 9 நாட்களில் தனது உண்ணாவிரதத்தை முடித்துக் கொண்டார் யோகா குரு பாபா ராம்தேவ். அவரை அமைச்சர்கள், அரசியல்வாதிகள் என பலரும் சந்தித்ததால் அவரது உண்ணாவிரதம் இந்தியா முழுவதும் பரபரப்பாக பேசப்பட்டது.

ஆனால் கங்கை நதியை காப்பாற்றுமாறு உண்ணாவிரதம் இருந்த நிகாமானந்த் டேராடூனில் பாபா ராம்தேவ் அனுமதிக்கப்பட்டிருந்த அதே மருத்துவமனையில் அனுமதிக்கப்பட்டு சிகிச்சை பலனின்றி உயிரிழந்தார்.

Tweet