ரஜினியும் தி.மு.கவும் அ.தி.மு.கவும்

 சிங்கப்பூரில் இருந்து தொலைபேசி மூலம் புதன்கிழமை முதல்வர் ஜெயலலிதாவிடம் பேசும்போது, "சட்டப்பேரவைத் தேர்தலில் அதிமுக அமோக வெற்றி பெற்றிருப்பதன் மூலம் தமிழகம் காப்பாற்றப்பட்டதாக'த் தெரிவித்த நடிகர் ரஜினிகாந்த், முன்னாள் முதல்வரும் திமுக தலைவருமான கருணாநிதியிடம் வியாழக்கிழமை பேசினார்.
கருணாநிதியிடம் பேசியபோது, "நீங்கள் வாழ்வில் பல ஏற்றத்தாழ்வுகளை, மேடு பள்ளங்களையெல்லாம் சந்தித்தவர். உங்கள் உடல் நலம் பேணுவதுதான் முக்கியம். எது பற்றியும் பெரிதாகக் கருதாமல் இருக்க வேண்டும்' என்று கேட்டுக் கொண்டார். அப்போது தனது உடல்நலம் குறித்து கருணாநிதியிடம் விவரித்தார் ரஜினிகாந்த்.
உடல்நலம் தேறி, விரைவில் சென்னை திரும்பிட வேண்டும் என்று அவருக்கு வாழ்த்து தெரிவித்தார் கருணாநிதி. இதை திமுக தலைமைக் கழகம் ஒரு செய்திக்குறிப்பில் தெரிவித்துள்ளது.

இதனால் நமக்கு விளங்குவது .............

1.நடிகர் ரஜினிகாந்த் அவர்கள் அரசியல் ஒளி வட்டத்தை தவிர்த்து அதைவிட்டு வெளிவர விரும்புவது !

2. இரண்டு பாரம்பரிய கட்சிகளும் ரஜினி தொலைபேசியில் பேசியதை அரசியலாக்கி அதன்மூலம் லாபம் அடைய நினைப்பது .....

நன்றி 

ரஜினி காந்த் அவர்களுக்கு, தன் மிக பெரிய ஈர்ப்பை தவறாக பயன்படுத்த வேண்டாம் என்கிற நல்ல எண்ணத்திற்கு .

வேண்டுகோள் 

சாவு வீட்டில் தான் விடும் கண்ணீரை கூட படம் பிடித்து அனுதாபம் சம்பாதிக்க நினைப்பது ராஜா தந்திரம் அல்ல ,அது அருவருப்பு .அதேயே ராஜதந்திரம் என நினைக்கும் அரசியல்வாதிகளுக்கு ! 

தனிமனித வழிபாடுகள் தவிர்க்க தலைவர்கள் முன்மாதிரியாக இருக்க வேண்டும். 

மக்களுக்கு தேவை ராஜதந்திரிகள் அல்ல மக்கள் பிரச்சனைகளுக்கு விடை தேடும் வீரர்களே ....அவர்களை சத்தியத்தில் தேடுங்கள் சினிமாவில் வேண்டாம் ...

Tweet